Älles onder oim Dach.
Älles aus oinr Hand.

Vo Digidaldrugg bis Offseddrugg. Vo Buchbenderei bis Ledderschob. Ond au an Lagr ond Logischdik hen mir deegt. Denn mir machet Ihne bequem. Ned bloß bei Kleiuflaga odr wenn's mordsmäßich schnell ganga muss, hodd sich onsr Konzebd bewährd. Kurze Weg. Brofis am Werk. Reibongslosr Ablauf. Drvo brofidieret Sia ganz diregd: Ihre Druggsacha send pünkdlich am Beschdimmongsord. Se könnat sich also endschbannd zrügglehna. Em Vorfeld. Währenddessa. Ond em Nachhinei.

Mehr als frei Haus

Flexibilidäd ond Schnellichkeid – dadruff kommd's bei dr Lieferong Ihrr Druggbrodukd a. Weid besser als Schdandard. Übrdurchschniddlich guad. Des send dia Krideria, noch dene onsr Liefrsyschdem funkzionierd. Em Großraum Schduagard, Böblenga ond Sendelfenga send mir bsonders fix: Mid onserem eigena Fuhrpark bringa mir Ihre druggfrische Ondrlaga pünkdlich ond zuaverlässich an den Beschdimmungsord. Ond des emmr mid ara persönlicha Nod: Onsere Midarbeidr wissat, wia werdvoll ond sensibl Ihre Druggwerk send. Deshalb sorgd jedr Fahrr drfür, dass Ihre Brodukd den Dransbord obeschaded übrschtandet. Mir agierat sorgfäldich, ufmerksam ond bhudsam.

Ihre Lieferong kommd frei Haus. Des gnügd ons abr no lang ned. Ihna edwa? Gern vrdeilat mir Ihre War an verschiedane Schdandord. Punkdgenau ond pünkdlich. En dr passenda Menge ond Ausführong. Ondrwegs mid onsera firmaeigane Fahrzeig ond ausgschdadded mid Hubwaga ond Dransborthilfa kommat Ihre Druggbrodukd ned nur bei Ihrem Ondernehma an, sondern werdad dord abgsedzd, wo se schbädr zom Eisadz kommat. Em oberschda Regal vom Sekredariad. Uf am Schreibdisch vo dr Gschäfdsführong. Odr em Akdaschrank vo dr Markedingabdeilong.

Diesr Serwis gild au für Ihrn Messeschdand: Mir dransbordierat Ihre Druggsacha gern diregd zur Messe. Während Sia no en de turbulende Vorbereidonga schdeggat, kümmerat mir ons om die passende Alieferong. Damid Sia a Kopf frei hen für dia wirklich wichdiche Dinge em Leba. Ond uf dr Messe. Wenn dia richtiche Brodukd schnell akomma sollat odr no schnellr bei Ihna sai müssat, send mir Ihr erfahrenr Pardnr. Mid onsera obdimierde Liefrbrozess endlaschda mir Sia. Jedrzeid gern.

Mir liabe s Global

Die Weld isch oi Dorf. Undernehme wachse global zsamme. Dahr lieferet mir Ihre Druggbrodukde nedd nur im Großraum Schduddgard – sondern weldweid. Vo A wie Andwerbe bis Z wie Zwiggau. Vo A wie Albanie bis Z wie Zyberet. Damid des reibungslos glingd, kooberiere mir mid zverlässige Schbedizionsbardner. Verlässlich. Pünkdlich. Brofessionell. Des gild in dr Schweiz ebenso wie im Kongo. Ob Zollabwigglung odr ungewöhnliche Transchbordwege: Verdrauet Se auf unsere johrelang Erfahrung. Damid Ihre Druggware unbeschaded ankommd – überall uf em Globus.

Bluspunkd für Individualitäd

Jedes Brodugd isch anders. En saira Idee. Mid saine Dedails. Ond ufgrond Ihrr Wünsch, die drhindr schdeggat. Doraus zieha mir die Konsequenz: Des passende Druggverfahra für jedes Druggwerk. Mehr no: Des richtiche Druggverfahra für Ihr individuells Brodugd.

En onserem Haus vereinet mir modernschda Offsed- ond Digidaldrugg – älles ondr oim Dach. So eröffnat mir Ihne sämdliche Möglichkeida. Ond ganged noh glei en d Omsedzong. Ohne Omweg. Ohne Wardezeida. Ohne Komblikaziona. Ardikulieret Sia Ihran Bedarf – mir kümmerad ons om d Ausführong.

Dr Digidaldrugg isch derzeid ufm Vormarsch. Denn d Vordeil lieged uf der Hand: Jedr Boga ka individuell für Sia bedruggd werda, a Druggform brauchat mir ned. Vielfald. Einmalichkeid. Unendlichkeid. Au ihre mehrseidiche Dokumend drugga mir soford in dr rechta Reihafolg. Des bassierd schnell, brofessionell ond flexibl, ganz ohne Wechsl einr Druggform. Au kombledde ond komblexe Druggbrodukde send willkomma.

Individuell. Einzichardich. Einmalich. Au kloine Losgrößa broduziera mir per Digidaldrugg. Hir gild: Je kleinr die Uflag, deschdo ökonomischr isch des Verfahra. Ond wenn's ebbes mehr sai därf, wähla mir für Ihran Druggufdrag d koschdagünschdigschde Druggmethod. D Qualidäd bleibd drbei selbsdverschdändlich hoch. Denn do gild für ons: Masse mid Glas

Für jeden d passend Boschd

Sia wellat Ihre Kondebendong schdeigera? Odr Ihre Kondekommunikazio vrbessera? Mir embfehlat personalisierde Sendunga. So werdat Ihre Druggbrodukd no ebbes persönlichr. Ond kommat exagd dord a, wo Se's vorgseha hen.

Ob Meiling odr Kadalog, ob Weihnachdsposchd odr Sondrakzio: Überlasset Se ons d reibongslos Abwigglong. Mir garandierat Ihne den brofessionella Omgang mid sämdliche Kondaadressa – selbschdvrschdändlich inklusive Dadenschudz. Ond des bei oinr kleinera Uflag gleich wia bei Massaaussendonga.

Sia blanet komblexe Meilings? Mir freiat ons druff! Diregd em Haus drugga mir hochuflösend digidal en Farbe ebeso wia Schwarz-Weiß. Des gsamde Verfahra – vo dr Adressierong bis zur boschdalische Vorarbeid ond Auslieferong – isch bei ons en guade Hända. 

Onsr Ledderschob omfassd modernschde Syschdem ond durchdachde Abläuf. Mir gleichat Ihre Adressa ab ond bereinigad fehlerhafde odr dobbelde Dada. Des isch a regulärr Beschdanddeil onseres Serwisangebods. So landed Ihr Druggbrodugd zielgerichded bei dera Perso, die Sia erreicha möchdat. Ond tadsächlich bloß bei dem Adressade. Verschbrocha.

Ab ens Finale

D Buchbenderei isch d Wurzl onseres Ondernehmens. Damid hodd älles agfanga. Bis heud liegd ons diesr Pard deshalb bsonders am Herza. Hir finalisierat mir Ihr Druggbrodugd. Mid vil Herzbluad ond graußem Agaschma.

En Ihram Druggbrodugd schdeggat so viele Gedanka. Bis Sia Ihr Werk zfrieda en de Händ haldet, waret zahlreiche einzlne Arbeidsschridd nodwendich. Am End soll älles ideal zammenbassa. Sai endgüldiche Form fenda. Sich als perfekde Realisierong Ihrr Idea zeiga.

En onserr hauseigena Buchbenderei bassierd dr ledzde Schridd, dr ledzde Schliff. Redakzion, Sadz, Laiaud ond Drugg send dem voraus ganga. Jedzd bekommd Ihr Brodugd sai Hülle, sain Eiband, sai Gesichd. Denn des Äußere drüggd des Innere aus.

Ob Büchr, Flair, Meilings odr Broschüra: Diesr abschließende Arbeidsgang verlangd handwerkliches Gschigg ond a feis Gschbür für des große Ganze. Die opdimale Fassad, dr perfekde Mandl, des schönschde Meikab kommat jedzd zom Eisadz. So glingd Ihna mid Ihram Druggwerk dr große Ufdridd.

Ihr Käpsele für da Versand

Martina Müller

Leitung Lager und Logischdig
Telefon 07031 75590 57
mmueller@remove-this.druckerei-mack.de

Nachhaldigkeid wird bei ons groß gschrieba. Dahr sind mir Deil der Klimainidiadive vom Bundesverband Drugg ond Media zur Reduzierung vo CO2-Emissiona. Selbsdverschdändlich sem mer au FSC® zerdifizierd.

Weiderlesa